रुद्रपुरमा कञ्चन उपशाखा

312

रुद्रपुरमा कञ्चन उपशाखा

red crossबुटवल, २८ असार । रुपन्देहीको रुद्रपुरमा नेपाल रेडक्रस सोसाईटीको उपशाखा गठन गरिएको छ ।

रुद्रपुर, साडी, बिष्णुपुरा, जोगडा क्षेत्रका नेपाल रेडक्रस सोसाईटीका आजीवन सदस्य तथा साधारण सदस्यहरुको भेलाले मंगलबार ‘नेपाल रेडक्रस सोसाईटी कञ्चन उपशाखा’ गठन गरेको हो ।

नेपाल रेडक्रस सोसाईटी रुपन्देहीका सभापति प्रेमलाल उदासको अतिथ्यतामा गठन गरिएको ९ सदस्यीय तदर्थ समितिको सभापतिमा लिलाकुमारी पौडेल रहनु भएको छ ।

समितिको उपसभापतिमा गंगालाल पौडेल, सचिवमा तुलबहादुर थापा, सहसचिवमा जगिलाल थापा र कोषाध्यक्षमा टिकाराम सापकोटा रहनुभएको छ ।

त्यस्तै समितिको सदस्यहरुमा रामबहादुर थापा, उमा ढकाल, हेमा वेलवासे र सरस्वती चौधरी रहनु भएको सभापति पौडेलले जानकारी गराउनु भयो ।

नव गठित उपशाखाले अव सो क्षेत्रमा रेडक्रसका गतिबिधिलाई अगाडी बढाउने छ । नेपाल रेडक्रस सोसाईटी रुपन्देहीको मातहतमा रहेर यो सहित जिल्लामा १५ वटा उपशाखाले आधिकारिकता प्राप्त गरि रेडक्रसका गतिबिधि सञ्चालन गरेका छन् ।